ليه البنت بتكره كل البنات التانين

أشياء تجعلك تعرف "ليه البنت بتكره كل البنات التانيين"لدى كل الأولاد اعتقاد راسخ بأن البنت بتكره كل البنات التانيين، على الرغم من أن البنات بينزلوا بوس في بعض وسلامات وكلام من قبيل " ازيك يا لولو .. إيه الأخبار يا حبيبتي .. انتِ أمورة أوي النهاردة .. إيه الشياكة دي .. شكلك زي القمر في اللون ده"

ولكن يا عزيزي كل ده كوم، وما يحدث في الخفاء كوم تاني، فالنفوس ليست صافية إلى هذا الحد، بل أنه بالفعل لا توجد بنت بتطيق البنات التانيين لأن:

1- ندما ترتدي البنت ملابس ضيقة أو مفتوحة فهي تعلم جيدا أن البنات هيعملوا لها سكانينج أي مسح أي بحلقة ونظرات من فوق لتحت كي يفصصوها وهي ماشية، وهي بالطبع لا تحب هذه النظرات لأنها تريد نظرات الرجال وليس نظرات البنات المنتقدة.

2- عندما ترتدي البنت نظارة سوداء وتضع برفان معين فهي تستطيع أن توهم أي ولد أن هذه النظارة هي ماركة ريبان وأن البرفان هو جوتشي أصلي، ولكنها بالطبع تعلم أن البنات فاقسين الحركات القرعة دي لأنهم يعرفون أن النظارة والبرفان على بعض ميجوش بـ 30 جنيه من محل دلع البنات أو سكر البنات أو بنوتة وهي المحلات المنتشرة في كل المولات، ولذلك فالبنت لا تطيق نظرات البنات إللي فاقساها.

3- عندما تجلس البنت وتعلم جيدا أن البادي بتاعها مرفوع، فهي متأكدة أن الأولاد يعتقدون أنها مش واخدة بالها، ولكنها متأكدة أيضا أن البنات فاقسين حركاتها القرعة وأنها عارفة ومتأكدة إن البادي مرفوع وتريد لفت أنظار الأولاد، ولذلك نجد البنت مش طايقه البنات إللي فاقسينها وإللي كشفوها وأحرجوها بنظراتهم.

4- عندما تتعمد البنت جعل البادي بتاعها نازل من فوق حبتين أو أن تجعل زرار البلوزة العلوي مفتوح فهي تعلم تماما أن الأولاد سينهبلون عليها وسيحاولون بشتى الطرق البحلقة فيها والتقرب منها وهي تعلم أيضا أنهم لن يسيئوا فهمها لأن الأولاد من وجهة نظرها معتقدين أنها برضه مش واخدة بالها، أما ما يجعل الفتاة تكره صديقاتها البنات هو وجود تلك البنت الرخمة المتطوعة التي تظهر في هذه المواقف والتي تقترب من الفتاة وتقول لها بالهمس "على فكرة البادي بتاعك نازل أوي والواد ماجد عمال يبص جامد" وهنا بالطبع تمثل الفتاة دور إللي مش واخدة بالها وتعمل فيها إنها اتفاجئت بالزرار المفتوح وتقوم منتفضة بعد سماع همسات صديقاتها وتقول "إيه ده؟ معقولة؟ تتصدقي مش واخدة بالي؟" ولا كأنها مش هي إللي فاتحاه متعمدة، ولذلك فالبنت لا تطيق هذه التدخلات البناتي فهي تريد أن تتعامل براحتها وتجعل ماجد يبحلق براحته.

5- من الأسباب الأخرى التي تجعل الفتاة تكره عالم صديقاتها البنات أنها حين ترتدي ملابس معينة تظهرها في شكل أضخم حبتين من مناطق معينة، فهي تعلم أن الأولاد لن يفهموا الخدعة بل سينظرون إليها نظرات الشاب المحروم إلى هيفاء وهبي، ولكن الفتاة تتضايق جدا عندما تتواجد في محيط بناتي لأنها تعرف أنهم فاقسينها وعارفين إنها عاملة حركات جذب للأولاد وبالتالي شكلها هيبقى وحش قوي لأنها لن تبيع المية في حارة السقايين.

6- الفتاة تعلم جيدا ما يحدث في جلسات البنات المغلقة، فهي ياما جلست وياما قالت نميمة وياما قطعت في فروة البنات زميلاتها، ولذلك فهي حين تقوم بالتسليم والأحضان على إحدى البنات زميلاتها التي تقول لها أنها أمورة وجميلة وشيك فهي تعلم جيدا أن هذه البنت ستذهب إلى شلة البنات إللي تعرفهم وتقول "إيه اللزقة دي؟ هي إللي ندهتلي عشان أسلم عليها ؟ أنا مبستنضفهاش اساسا؟ وكمان هي لا شيك ولا حاجة وعاملة فيها بنت ناس رغم إني لما بوستها لقيت إن ماكياجها كله مضروب من على الأرصفة وكمان دقنها مشوكة اوي ياييييييييييي هيهيهيهيهيههيهي.

ايه الحلاوة ده ؟؟؟
هههههه

حلاوتك يا باشا

حلاوتك يا باشا